على عادتك يا منصور ابن جدعان تاج الراس=وانا ياتاج راسي لو مدحتك من صطا راسي
تحاول تثري الموقع بلولك والذهب والماس=وتحري بالذهب واللول والياقوت والماسي
وتتعب للنشاما بالظفر والطيب والنوماس=وتعزم كل نشمي له مع اهل الطيب نوماسي
ويكفيني شبيب امقلط الطرقي كريم الساس=بنوك القاف والشيلات لقفا الجاحد الناسي
انا لا قلت ابا اكب القصيد الوارد الحساس=وابا اصلي واصوم ولا يقال الشيخ حساسي
عرض لي واحد[ ن ]كنه بقلبي يدخل الأمواس=وسبب مشكله بين الضلوع الحدب وانفاسي
وحرك خامد البركان لين ايضايق الانفاس=ويرسل للمخيخ وللمشاعر[رمز] منحاسي
وتصير المشكله صعبه ومن راس السماء للساس=ثمان امية ذلول وفوقها فارس وعساسي
يقولون الطلب وش هو ونار الحرب من مقباس=وقوات الطواري قدمهم تضرب بالاجراسي
وقلت الوضع هين وامتهان الحاسد الوسواس=نبي ناخذ مع اهل القاف والاشعار مرواسي
ودخلت المجلس اللي ما يجونه زمرة الانجاس= وقلطت الجميع وريحو واخبرت جلاسي
عن اسباب البيوت وفكرها والخاطر الهجاس=وكيف اصبح حقيقه يا عرب فكري وهوجاسي
هذا دايم هو الحاصل مع اصناف البشر والناس=واعود للقرار اللي اخذته والسبب ناسي
وعصر اليوم غير اللي تعودته ولو ينقاس=يعجز كل مرصد قوته ما هيب تنقاسي
شعور ونظم في بوك الحكم مع سالفة عساس=يبي نبت الربيع وللوفا والطيب نساسي
اخوي وتاج راسي يا حزامي ما يجيك الباس=وانا سالم ومتعافي ولي حيله مع الباسي
ومهما قلت مهما قلت يبقا الفارس الفراس=يحوش المرجله والطيب فوق اظهور الافراسي
بذلنا واجتهدنا وانتشرف والرجال اجناس=عسا الله يافهد يكفي بلدنا شرالاجناسي