[ثار التميميه]

موقف طريف صار معك في حياتك بشكل عام ؟؟

والله مواقفي كثيره

بس خل اذكر لك اخر موقف صار معي تقريبا من 6 شهور
كنت نازله بالملحق هذاك اليوم وجوي مدري وش يبي كان جو هبال واغاني
وكنت حاطه نجوم ورافعه الصوت مره واغنية ديانا صاحبي قررت انا منك انسحب
المهم ابوي هذاك اليوم كان مواعد ابو الجيران انه يتقهوى معه بعد المغرب ولاعلموني
وانا طربانه ولا اشوف ولا اسمع ولااعرف معليه عالصوت وقاعده اغني مع ان صوتي شين
واثاري ابو جيراننا دخل هو وولده وولده كبير متخرج من الجامعه
لان الباب حق الشارع كان مفتوح وشاف هبالي وجاء طق علي الباب
وابو جيراننا معروف انه بجيح وقوي وجه بالحاره
فتح الباب وقال درينا ياديانا حداد انك بتنسحبين من حياته ممكن بعد تنسحبين من الملحق طال عمرك ؟
من الروعه انا غمضت
حسيت اني اذا صرت ماشوفه هو بعد مايشوفني
والشي اللي خلاني انحرج يوم اتصلت ام الجيران بكرا على امي وقالت نبي نخطبها لولدي
قلت لامي لو مايبقى غيره عقب امس والله ماخذه



متى بدأت معك موهبه الشعر؟؟

بدأت من زمان بس كانت على مراحل
يعني كنت اشطر الطالبات بالتعبير
وكانت علاماتي بالمواد الادبيه كامله
بس بدايتها بشكل مقبول كشعر من ثالث متوسط





أقرب انسانه الى قلبك او تجمعك بها صداقه في المنتدى ؟؟

والله مافيه احد تجمعني فيه صداقه ولاحتى مسنجر من المنتدى
بس والله كلكم قريبات من قلبي واخصك انتي والريم



ما رأيك في منتدى الفطاحلة وماهي مميزات وسلبيات المنتدى ؟؟

منتدى رائع جدا
واحسه بيوصل لشي كثير في فتره قليله ان شاء الله