قصيده في الوجد للعميد الشاعر/ خالد بن حسن البليهد العلي الخالدي رحمه الله
يـادار ويـن احبـاب قلبـي وعينـي=اللـي لهـم بالقلـب يـادار مسـكـان
شـدو ومــدو للـوطـن راحليـنـي=شدو يبون ارض الاهل ذيـك الاوطـان
شدو على جمـس (ن) يجـر الحنينـي=شـدو عليـه الصبـح يقـداه سلطـان
الله يسـهـل دربـهــم منتـويـنـي=للجـوف داري ديرتـي كـل الاحيـان
الـجـوف دار الـعـز والطيبـيـنـي=ان مالقيـت فـلان سـيـرت لـفـلان
هـذا هـوى قلبـي وخافـي كنيـنـي=اقولهـا مـن قلـب وحسـاس ولسـان
الجـوف داري يـوم شهـب السنينـي=يـوم المجاعـه والمغـازي والاكـوان
واليـوم فيـهـا الخـيـر ياتايهيـنـي=فيهـا المـزارع والتجـاره وعمـران
وفيهـا رجـال الخيـر والمستحيـنـي=ياما جدعو للضيف راس (ن) من الضان
اسلـوم (ن) ورثناهـا مـن الاولينـي=والمجـد للاجيـال شيـب (ن) وشبـان
الجوف فيهـا كـل شـي (ن) حسينـي=محـلا هواهـا تقـل بجبـال لبـنـان
الجوف له بالمجـد حبـل (ن) متينـي=جوف النخل طلعه لضيف (ن) وجيران
جماعة الرجـال حصـن (ن) مكينـي=ورجل (ن) بلا ربع (ن) عليه اللغا شان
اقولـهـا مــن قـلـب يافاهميـنـي=اليـوم فيهـا كـل شـي (ن) لنـا زان
امــن وامــان وكلـنـا مهتنيـنـي=الامـن عـم المملكـه عـز وحسـان