لاتسهلت من عند ربك سهالات=هوالكريم وكلنا نرتجي لة
مافي يد المخلوق حيلة وهقوات=ماقدر الباري فلا عنه ميلة
مافات لاتكثر عليه الحسافات=عش ساعتك واللي مضى لاتشيلة
عش ساعتك وخل عنك التفاهات=العمر مايمدي والاجال غيلة
ولاتبحث الماضي وتبدي ملامات=لوكنت واطي فوق حامي المليلة
دنياك ماتسوى ولابها سلامات=خلك بها من عرض عابر سبيلة
دع الليالي والامور الجليلات=مااحد من الدنيا اموره سليمة