رد على: العمالة الوافدة
أختي الغالية صمت القلوب --------------- موضوع رائع وطالما أفكر فيه كثيراً عندما أمر بأحد الأسواق وخاصة شارع الوزير يوم الجمعة يهيء لي وكأن البلد محتلة ولم تعد بلدي من الأعداد بل الجيوش المهولة من العمالة الوافدة وأنا وحدة من الناس الي أكره الخدم في البيت لكن مجبر أخاك لا بطل أطفال صغار في السن أنا أوقات تصيبني وعكات صحية قد تستمر شهور أحيانا وكنت أتنمى لو توجد شركات أو مؤسسات توضف لنا عدة فتيات من المحتاجين وتدربهم على العمل ومن ثم نستأجرها باليومية على قدر حاجتنا لها والذي يطلب من المرأة العمل في المنزل لوحدها أقول له هذا صعب إلا إن كانت لديها أشخاص متعاونين لأنه عمل البيت ليس سهل كما يعتقد البعض خاصة من تريد البيت دايم على سنقة عشرة أرضيات نظيفة وجدران ومطبخ ريحته زي الورد وغرف نوم مرتبة ودرات مياه نظيفة وصحية في الماضي كانت البيوت بسيطة جداًوصغيرة ومتطلباتها قليلة حيث لايوجد غير مجلس نساء ورجال وغرفة للوالدين وغرفة للأبناء ولاكان فيه كماليات مثل الآن من ملابس بالهبل والنوم له لبس والبيت لبس والخروج لبس والمطبخ كان كله فرن صغير (قز/ طباخة) عند البعض ورفين أو ثلاثة للمواعين ما كان هناك تكلف في الطبخ كانوا يحطون السفرة الخوص وعليها صحن الكبسة أو المرقوق أو الجريش ويتغدون والنهاية صحن واحد والسفرة تنفضها في حوش الدجاج وتعلقها ورى الباب أما الآن وخاصة مع الجو المغبر هذا البيوت صارت كبيرة جدا والأثاث يبي لك يوم كامل عشان تلحقين تنظفينه و المطبخ أصبح أكثر تعقيدافي الأثاث وأدوات الطبخ وأنواع الطبخات زمان كان الواحد مايحمم أولاده إلا كل يوم جمعة الآن مانقدر نترك أولادنا يوم دون إستحمام زمان كان الطفل ثوبه يجلس لابسه ثلاثة أيام ولا أربعة ألحين نغير لهم كم مرة في اليوم ممكن توصل أربع مرات زمان إذا جانا الضيف قهيوة وتميرة وأقط والحمدلله والشاهي معه كليجا وفتيت ألحين صار الضيف يكلفك ثلث الراتب من حلى وموالح و عصائر وعشاء لايقل عن ست أصناف وإهتمامات الأزواج ونظرتهم للمرأة أختلفت عن سابقها -------------------------الخ لو بشرح لبكرة ماخلصنا من الموضوع يعني البت اللي فيه أكثر من ثلاثة أطفال نادرا مايستغني عن معين للعمل المنزلي يعني وجودهن شر لابد منه وياليت يجي يوم ونستغني عنهن إلا أنا سمعت فيه غسالة ملابس تغسل الملابس وتكويها وتطلعها مطبقة وجاهزة إللي سمع فيها يقول بس لاأحد يضحك حيث كل شي جايز أما لو موجودة بشتريها لو قيمتها عشرين ألف