اليوم جا من كان فضله علينا
ياما تبخششنا وياما اكتسينا
وكم كان يملا بالعطايا يدينا
والفضل ماينساه غير الجمادي
هذا وعبد الله ملكنا بجوده
ياما عطانا والخلايق شهوده
مثل البحر ماينقصونه وروده
والمُلْك مايبغى اليدين الشّدادي
لاخير في مُلْكٍ يجى البخل يبراه
نقمه على راعيه والناس تجفاه
مال الصديق وينقلون المعاده
وعزي لمن لاحاف كيد الاعادي
يامرحبا ياللي من الشام جانا
بعد المغيبة في عجل ماتوانا
غايب وهو ماغاب شوفه ورانا
مثل العقاب اللي على الصيد بادي
ضاق الفضا مابين ماشي وراكب
والخيل شيْ تركب وشيْ تقادي
تيهان تبراه الأسود الكواسر
نشابة ارياق العدا في الحناجر
مدّاحهم من غاية المدح قاصر
بيض الوجيه أهل السيوف الكواسر
الملْك ملكه ما معه فيه ثاني
يعطيه من يرضاه دون العبادي
المملكة ماتقبل الا ذوي عون
تمشي لهم مشي المطايا على الهون
لو كان بعض الناس فيها يوروّن
عنهم تميل ومشيها بالعنادي
اليوم مكة نورها زادها انوار
واهل المدينة والذي حولها جار
والشام والمغرب وجدة والامصار
والهند والبصرة وكل البلادي
مكة تحت حكمه وهلها ملبين
لازم زمام المملكة بالايادي
يستاهلون المُلْك في كل حاله
هم صفوة الصافي وسلّة سلالة
لازال عز أشرافنا في زيادة
لو لم يكن لله فيهم إرادة
منصاك عبدالله حما كل سربه
إبن محمد يرحم الله تربه
بحرٍ قراحٍ من النيل شربه
وإن فاض غرّق حضرها والبوادي