لو اعطيتك احساسى وقلت لك اوصف احساسى لقلت انك وصلت
السموحة يا على
أنكسرت ومال كسـري عنـد خلـق الله جبـاره
كسـر قلـب ومالـه الا لطـف رب العالميـن
كسر غيّر كل معنـى وانقلـب ربحـي خسـاره
شوفني من يومهـا اصفِـق بالشمـال وباليميـن
ماترك لي غيـر جـرح وهـم وآلام ومـراره
نصف مات ونصف باقـي حـي لكنّـه حزيـن
لا بغـى ينسـى عذابـك ذكّـره طيفـك وزاره
كيف ينسى وانت تسكن عيـن واحزانـي بعيـن
حسبك الله في خفـوق(ن) أنـت عنوانـه وداره
وين مايرحل يشوفك رغبتـه عـن كـل زيـن
من يقول ان الغلا اللـي عمّـره ينـوي دمـاره
لين طحت وطاح حظي وما لقيت اللـي يعينـي
صرت وحدي دون ما اشعر لا غرور ولا شطاره
قـدّر الله والمقـدّر ينكتـب فــوق الجبـيـن
شوف خوفي شوف ضعفي شوف حالي وانكساره
شوفني وش لون كنت وشوفنـي هالحيـن ويـن
شوف قلبي اللي ذبحت وما قـوى ياخـذ بثـاره
كيف يقوى وانت نبضـه ذبـح نفسـه مرتيـن