صباحك الورد
يا ابو عبدالله
والاحبة جميعا
متصفح وارف بجمال ما نثرتموه من ورود
مشاركات متواضعه ..
تدري وش اقسا من جفا حضن الاوطان ؟
ـــــــــ ومن دمعته / من غيبته / من زماني ؟
اني رغم كل اجتهاداتي / انسان
ـــــــــ اخطي / واسدد غلطتي من كياني!
و ..
و تدري لامنّك زعلت
ــــ تزعل الدنيا معك
والالم والخوف والهم
ــــ يختصرهم مدمعك
كنّي وكل المشاعر
ــــ تحت اشارة اصبعك
بس تكفا لا زعلت
ــــ لمّني ..قبل اجمعك !
***
اسعد الله صباح اللي تزوره رشا
ــــــ ماتخاف الملام ولا تعرف القيود
مشرقيّة محيّا مغربيّة حشا
ــــــ حاتمية عطايا مزهرية ورود
يوم جتني تثنّى والجمال اختشا
ــــــ امتزج في عيوني عطرها والوجود
اقربت واهمست لي : ما تشا ما تشا ؟
ــــــ النواعس مخايل والمحاني رعود
**
غيري اليا مرّوك تضحك شفّتك
ـــــــــ وانا اليا اقبلت كنّي من عداك
غيري ينسيه الزمان امحبتك
ـــــــــ يسلى مع اللي في زماناته نساك
واقف على جمر الخضوع بحضرتك
ـــــــــ يضمني شوقي ويدفعني قساك
ماذلّني غيرك واحب مذلّتك
ـــــــــ واحب لي من ضحكة عيونك جفاك
ماذلّني غيرك ولا هي غلطتك
ـــــــــ كل القلوب (نجوم) تسبح في سماك
زدني فديتك كان فيها فرحتك
ـــــــــ جرحك وعبراتي وصاحبها فداك
**
في زمان الزيف للكذبة حقيقة
ـــــ وللمبادي سطوة الحد الرهيف
شعب جاهل داس حلمه في طريقه
ـــــ واندفع يلهث ورا فتات الرغيف
الضعيف اليا ظما ما بل ريقه
ـــــ والقوي يشرب من دموع الضعيف !
الرفيق اقسا من الهم لرفيقه
ـــــ والسفيه يقدّي الشيخ الكفيف
والسؤال اللي يحيّر مانطيقه
ـــــ والاماني في وطنا نوّ صيف
جرحنا ما طاب والطعنه عميقه
ـــــ وحلمنا ملّت خطاه من الرصيف
علمونا نعشق الماس وبريقه
ـــــ واتركونا نجمع اوراق الخريف
خدرونا بالعبارات الرقيقه
ـــــ لين ادمنّا على الوضع السخيف
وانتبهنا والفضا ظلمه وضيقه
ـــــ والثرى بركان والمشهد مخيف
ولو نبذنا هالتقاليد العريقه
ـــــ ما بكت (حيفا) على ضحكة (جنيف)
**
ولي عودة باذن الله .. للاستمتاع بروائعكم