للتواصل
ياصاحبي ماهو بحق بعشيرك = توريه الجفا ولاحصل منه تقصير
مجنباً عن كل مايستثيرك = حتى أحبك جبتها برونقاً غير
ضامي عطش وأنا بجالي غديرك = يازهرتاً قطفتها بين النواوير
يبا يعيش بجو نسمة عبيرك = ويسج بفكارك ورد ومصادير
بغيبتك ماقول ألا الله يجيرك = وأنساقلك سوق المزون المزابير
وتشرب من البير وترمي فبيرك = مايصير إللي قاعد تسويه مايصير
وش حيلته لاصار مغرم فيك وضريرك = وش حيلته لاصارت هذي المقادير
معذباً حالي وأنا في سعيرك = يالين إني قلتلك خير ياطير
كم قلتلك لاينفلت منك طيرك = محذرك تحذير من بعد تحذير
أنفك من قيدك لوني أسيرك = وهذي عادة الشجعان المغاوير
أنا أدري إنه لاعباً فيك زيرك = جازف معه يغويك ليننك تحير
وإن شفت حالك كثر الله خيرك = نفسي تراها كبر أبانات والنير
مشكلتي قلتلك أنت وضميرك = واليوم والله مابعدها معاذير
أثرك تبيلك واحداً لك يديرك = ياحسرتي حسراها بالمشكله مير
اليوم أنا بشوفلك ألف غيرك = وأنا أحمد الله إن فبلادنا خير
ومصيرك تتذكر كلامي مصيرك = وإن كان جده غير حنا بعد غير
وسلامتكم