[الطائر المهاجر]

شيّدت قصر الفطاحل واعتلى شانه = من كل شهم همام قايم بدوره
ربعي النشامى فهم من يرفع اركانه= ومعهم بنات الفخر من كل غندوره
مجلس شياهين ما للبوم به خانه = ومجلس حراير ولا به عين مكسوره
والقصر واضح يشوف الكل عمدانه = عدل ومساواه في التنفيذ والشوره
من جاز له قصرنا واعجبه بنيانه = فيا مرحباً به ونفس الكل مسروره
مسكنه وسط الفؤاد ونبض شريانه= تاج على الراس لو تبعد به بحوره
ومن كان في نيّته ما يخلف اعلانه= رادارنا يكشف اللي تخفي سطوره
والقصر ماهو حكر لفلان وفلانه = فمن شاف نفسه فلا نحتاج له صوره
القصر للكل كلٍ زاد عمرانه = ومن لايحافظ على قصره غدا عوره