رد: طعنة عدوٍ لك تعرفه وتدريه
اقتباس:
المشاركة الأصلية كتبت بواسطة الطائر المهاجر
طعنة عدوٍ لك تعرفه وتدريه = تبرى مع الأيام لو هي عميقه
وطعنة قريبٍ او صديقٍ تدريه= ما اظنها تبرى ولو هي عتيقه
فاخذ الحذر في وقت بانت مواريه= غيّر مبادي في نفوس الخليقه
ما عاد تدري صقرها من حباريه= وحتى غراب البين غيّر نعيقه
لا من سمعته تنخدع في محاريه= تحسبه ورقا باللحون الرقيقه
ورجلٍ بلا مبدأ ولا خاف باريه = عايش مجون وتايهٍ في طريقه
حتى ولو يعجبك لحنٍ يثاريه = بياع هرج وكل مكرٍ يحيقه
ودك على علباه بالنار تهريه = وتطرده ما يجلس معك لو دقيقه
مجلسه عار ومن يحاول يذريه = مثله خنا فاتركه يلحق صديقه
درب النقاء دربي واعلّي صواريه= ومن كان دربه غير ماني رفيقه
اضرب على الكايد ولا جبت طاريه= ولا اخاف غير اللي خلق للخليقه
جلستك مع حرٍّ على الدين تشريه = ولا مجلس للبوم يغري بريقه
|
صح لسانك يا ابو عبدالله وعلا شانك
جزله وقوية
والطعون تزيد الرجال قوة وشدة
صعوووب
|