[حي الضمير]

من الروائع هذه العذبة للشاعر الكبير
محـــــــمد العـــســـــكر

لاجيت ابكتب عن جمالك .. تراجعت=كل القصايد من جمالك .. تهابك
كنك ﴿ شبيه الشمس ﴾ من نظرتك ضعت=حتى القمر من نور وجهك .. سرابك
يطيح حرفي دون وصفك لو ابدعت=ماياصل إحدود الثرى في ترابك
فرضت حسنك ﴿ للملا ﴾ حيل واقنعت=سبحان رب ٍ صوّرك واعتنابك
شف منزلك .. بين الحنايا تربعت=لامايليق بغير .. حضرت جنابك
انت الوحيد اللي له القلب طوّعت=منك إستلذ الجرح .. حتى عذابك
متّ بغرورك كيف .. لامن تواضعت=احس كن الكون .. قام وزهابك
قربك حياتي يا﴿ فدى ﴾ روح من طعت=فيك ابتدا معنى الغلا .. وانتهابك
حبك ملكني لين ﴿ همت ﴾ وتولعت=وش باقي اكثر .. من خفوق ٍ غدابك
إليا فقدتك ضاقت الحال وارتعت=لحظات موتي لو تصور .. غيابك
عن حب غيرك كل الابواب .. شمعت=مافيه باب ٍ بالهوى غير .. بابك
ومدام كل اشعور فيني لك اخضعت=ماهي غريبه .. لو حروفي تهابك