باح العزا منى وضليت بالضيق= صدرى وما فيه من الضيق مكنون
وازريت من هل الدموع المهاريق= ساعت بعينى شفت ركب يشدون
عكف نضاهم كنهن النقانيق= قربت منهن قلت والبال مشطون
كفاكم البارى شرور التعاويق= غدى انكم ياهل الهجاهيج تضحون
في ديرة بين الهضاب الشواهيق= ولا الميلات للياليى تشوفون
إلى لفيتوا عند هد الطواريق= في غفجة البطحا نويتوا تخفون
حطوا مفارش كوركم والمعاليق= يحرا انكم عقب التعب تستريحون
والى تمشيتوا بعرض الطواريق= لا بأس ياركب ان نويتو تحطون
عوجوا ارقاب اركابكم بالخنانيق= ياربما للريق عندي تفكون
عوجوا ارقاب اركابكم يامطاليق= مقدار شرب امولع الكيف غليون
والى تقهويتوا وفكيتوا الريق= لا باس ياركب ان نويتوا تمدون
من فوق هجن كنهن الدوانبق= تقطع مسيرالعشر يوم على الهون
وطوا على جلد الهنا بالمساويق= ولا برفق ياهل الهجن تمشون
خلونى اصحى من هوى السكر وافيق= وادى سلامى يمة اللى تودون
ومنمق بالزاج والعفص تنميق= ألب واحلا من نبا كل مكنون
للمنتخى خلف السبايا ابن عليق= يوم ان ذا يطرح وهذاك مطعون
وطبان زين اعيادهن المشافيق= إلا وله نفس طموح عن الدون
ريف القرايا بالسنين المحاحيق= لا جوه أهل عيرات الانضا يحثون
مع ذا وهو معطى اطوال السماحيق= ورث الندا ليس العطا منه ممنون
علوا مكسرة القنا بالمطابيق= لا سافر المسيوق ما عنه يقفون
قوم إلئنشف البلل جمت الريق= وقفت سباياهم تراهم يردون
إلى لحفهم طالب الدين بالحيق= ردوا عليه وزادو الدين بديون
الخيل فى ميدانهم كالجواليق= هذاك مقتول وها ذاك مطعون
كم روضة فيها الزهر كالمشاريق= في قيضة عند البوادى يهابون
ترعا فلاياهم ارقاب الزماليق= منها وعنها بالعوادى ايعدون
والجمع كره إلى سيق= وردن غضاة الصبا الظعن بالهون
ينخن صبيان اغوات هداليق= غياهب يوم المملاقا يردون
مشخوف مذلوق الحراب المزاريق= والزمل لزما عند تاليه يثنون
الرجل من حظه وهو بالتوافيق= والعبد له رزق على الله مضمون
وصلوا على غش العُصاة الزناديق= ما سار حجاج بليل يلبون