[راجي الحاج]

المشاركة الأصلية كتبت بواسطة الطائر المهاجر

يبدو ان اخي راجي قام بالتعديل
وكقاعدة عامه نحن لانخجب على الرأي لون كمسلمين
نبتعد عما ليس له اسس في ديننا من اقوال الفلاسفة

نعم هذه ثوابتنا هنا في الفطاحله

واسمح لي بو عبد الله بسرقة قصيدتك الرائعه ووضعها هنا ...

ما كل من سمي رجل صار رجّـال=في وقت غيّر في النفوس الضعيفه
فالمرجله صارت تقـدّر بالامـوال=وإلاّ نفـوذٍ يكتسـب مـن وظيفـه
ماهي مثل اوّل على سالف اجيـال=يوم الرجل مبـداه درعـه وسيفـه
يحكمه دينه والعقـل يـازن جبـال=وفرحته يوم انّـه يهلّـي بضيفـه
لامن نخيته محزمك وقت الاهـوال=ولا من نصيته قاسمك في رغيفـه
تلقى الأمانه في صدق طيب الافعال=وتلقى الثقل ماكـل يـدري نزيفـه
واليوم محري البعض يلبس لخلخال=فصعبٍ تفرّق بين لطـف ولطيفـه
هذا تقـوده حرمتـه لـو للوحـال=وهذا يـدور مـن وراهـا طريفـه
وهـذا كلامـه عنّهـا تـقـل دلاّل=بين الرجال ولو هروجـه سخيفـه
وهذا تبيه جدار من تحتـه ظـلال=يغض طرفـه لـو يلاقـي رديفـه
وهذا بليّا احساس في البيت تمثـال=رضّاعتـه جنبـه ومقلـع بكيفـه
وإلاّ مع الشلـه لساعـاتٍ طـوال=لو طاح بيته مادرى عـن وكيفـه
وهذا طبـل تلقـاه بيديـن طبّـال=ماله فكر يمشـي باوامـر عريفـه
ضعيف شخصيّه ولا هـوب فتّـال=ياسهـل تغييـره بكلمـه طفيفـه
وهذا يعاني نقص في كل الاحـوال=حاقـد وحاسـد مايدانـي حليفـه
لو ما يصل للي يصل له من افعـال=حطـه عـدوٍ لـه ولفـق لزيفـه
ولو به من الإيمان لو عشر مثقال=يقنع برزقـه مـا يبيّـن وجيفـه
ارزاق تتقسـم بـدقـه ومكـيـال=وكل حباه الله مـن الطيـب ريفـه
ومن طاوع الشيطان وهروج الانذال=تحرقه نار الحقـد لوهـي خفيفـه