شقى العمر يابوفضي راح مني=مثل اللذي يبني بها بيت وانهد
لولا العقل بالراس لاقول جني = هامور اخذها دون جهدن ولاكد
كان الامل يابوفضي و التمني = نبني بها بيتن وموتر ومسجد
وناخذ يتيمن ونكفله با لتبني = وانجوز امحمد ومشعل واحمد
ناسن بها تضحك وناسن اتغني=وكلن على ليلاه بالمزح والجد
السوق حظ وفيه لعبن ابفني =مثل البحر معروف بالجذر والمد
واللي حصل في ذمتي ماغبني=راضي بمقسومي مع الشكروالحمد
وباللي حصل ربي ترا مافتني = نعمت كريم ونعمته مالها حد
وان كان تسال عن حوالي وعني=الحمد لله صرت ياخوك انا جد