نوع من الترفيه الروحي ونسيان التعب والهم ...
اه من ليل بهيجٍ شفت به ذيك البشوش = واقفه عند الصرافه تعد الوان القروش
رحت اجري للصرافة وانا ما عندي حساب = وافتش اجيوبي واصارخ اسرقوا بوكي الجحوش
اقبلت ليّا تهدّي يا عزيزي وش بلاك = قلت خليني بروحي راحت افلوسي فشوش
بشتكي كل الحكومة بشتكي الاكبر بلاد= يا حقوقي يا حقوقي اسرقوا بوكي يا بوش
قالت اهدى قلت آهدى!! كيف اهدى يا غلاي = با تلطش با تلطش جاك يومك يا اللطوش
وباخذ اكفوفٍ من أمي عمري ما ذقت الكفوف = ويلي ويلي ويلي ويلي ليت ما مريت حوش
قال احاول اختصر دربٍ مملٍ هو طويل= وابتلش بمضاربه ابيض عليه اربع حبوش
وافزع بفزعة شجاعٍ ما يهاب وما يخاف = لا دنى وسط المعارك هابته كل الجيوش
لين سريته لبيته في امن الله سليم = وبوكي بوكي اسرقوه وحالي والله مو بخوش
دمعت وصاحت حبيبي كم حسابك في البنوك = ويدها اليمنى بكتفي وكل يُمناها نقوش
قلت اذكر كان مليونٍ وما ينقص ريال = وكان حلمي صندقه العصفورتي فيها عشوش
قالت الليلة عشاك وراحتك عندي خلاص = مير والله تستريح اليوم في اجمل عروش
وافتكرت امي تبي رز ومن الحربي كباب = قمت اصرفها ولد اختي تجلى بالعطوش
قلت مشكوره غناتي ويش ذنبك باللي صار = ودمعة الكذاب تهطل من عيوني كالدشوش
ما ابي غير السلامة تحل دارك يا الكريم = وابتسمت وقلت اخذي رقم تلفوني النعوش
صفر خمسه اربعين وامّ بعده حرف آي = وقبل ما يأذن لعصرك شيخنا الهندي العموش
خمني الباقي ورني ناطرك يا احلى وسيم = ناظرتني وقلت آهٍ لعنبو هذي الرموش
لجلها صاير اصورخ مثل افلام الهنود = ضحكت وقالت يا دبه صرت من هرجك رعوش
صدتني وانا العنوده يا سلام الله عليك = ماهر بفكرك وحسك صدتني صيد القروش
ياحقوقي = منظمة حقوق الإنسان
تحياتي
ماجد المهدي