[كريمة محمد]

الا يا نجوم الليـل لـو غابـت القمـرا
فلا بـد مـا تطلـع وتشـرق ليالينـا
ولا يا خزامى نجد لو جفـت الصحـرا
فلا بـد مـا تمطـر وتـروي مفالينـا
نشوف الزبيدي والنفل واصفر الزهـرا
وترتع بها الغزلان من حورهـا العينـا
حبيبي جزاه الله جزاني الجـزا المـرا
وانا اللي جزت عيني لهجـر المحبينـا
انا ادري وهي تدري وذاك الهوى يدرا
ولو كان من بدري فـلا هـي تدارينـا
حبيبي سألتـك بالـذي نـزّل الفجـرا
هو الحب ذنبي يـوم تفـرض تجافينـا
تعالي وحسي قلـب مجـروح بالهجـرا
وش اللي حصل ياحب تنسين ماضينـا
رضعت الطفولة حب وأسقيتك الفخـرا
لغيـرك فـلا والله بالـحـب يغريـنـا
حكمتي تحكمتي وحكمـك علـيّ امـرا
وانـا العبـد يتعبـد بمحـراب داعينـا
سحرتي وساحرتك وبعض العشق سحرا
وانا اللي بسحرك صرت مثل المجانينـا
تعالي حبيب الروح نحلم علـى الذكـرا
نسامر نجـوم الليـل والليـل يخفينـا
تعالي نشوف سهيـل ونجـوم بالمكـرا
تحاول عبث تطفي الفـرح فـي مآقينـا
يبون القمر يخسف يبون الشجر يعـرا
يبونا نعدل "قـل هـو الله" و "آمينـا "
جيوش العهر سارت تبي تهـدم القبـرا
وحبـك بقلبـي انقـبـر بالشراييـنـا
سرت بي هواجيس الحزن مدري المسرا
ومرّيت بصـرا ثـم الاسـرا ولاجينـا
وهاجت جيوش اليأس وانظر الى كسرا
واراجع لمـاضٍ فـات رومـا وحطينـا
تعالي نعاهـد نوقـف المـد والجـزرا
نسلم علـى القمـرى تثبـت مراسينـا
تعالي نسل سيوف مـن حرفنـا تقـرا
ونكتـب بكـل الفخـر يانـاس حبينـا
نسلم على القمرا نقـول الوعـد بكـرا
وننطـر متـى بكـره لعلـه يلاقيـنـا
ولا يا حروف النصب والنسخ والجـرا
متى ينتهي الإعراب ضاعـت أمانينـا
ولا يا رمال الشوق في البـر والبحـرا
تعالي وضمي ما بقـي مـن خطاوينـا
ونادي على القمرا ترى الوعد بالنصرا
فلا بد ما نفـرح يجـي يـوم يحيينـا

ماااشاء الله تبارك الله
كلما مرت الايام
كلما زادت قصائدك قيمة وندرة بهذه الايام
فلا يسعنى الان الا ان اقول لك
تسلم لنا اناملك يالغالى
ودمت ولا هنت
اختك وتلميذتك
كريمة