12-12-2005, 09:09 PM
|
رقم المشاركة : 8
|
|
|
اخي : فاقد قلبة
اقتباس:
السؤال الأول :- من وين انا اتخاطب مع الجامعة(للدراسة الجامعية) او المعاهد(لتقوية انجليزيتي)
هل من خلال السفارة .. ام المعهاد الي عندنا وانا ماحبذ هذا الا اذا انحديت .. او الانترنت
وياليت لو تقولي ولا عليك امر الخطوة الافضل وبالتفصيل جعل امك وابوك الجنه
|
ممكن انك تراسل المعاهد على طول عن طريق الانترنت و ممكن انك تمر على احد المكاتب المتخصصة في دراسة اللغة الانجليزية في الخارج ، مر على الرابط هذا:
الدراسة في الخارج
و انا افضل انك تروح عن طريق المكاتب المعتمدة لانهم خبراء في الشي هذا و ممكن يسهلون لك الامور ، المكتب المذكور فوق ( الرحلات الذهبية) على سبيل المثال يضبطون لك الحجوزات مع المعهد و يضبطون لك السكن و حتي انهم يقدمون لك على تاشيرة الدراسة.
اقتباس:
|
ماهو سبب الرخص بالاسعار للكبار ؟
|
اذا انت كنت اقل من 18 سنة بيكونون هم بمثابة اهلك و مسؤولين عنك في كل شي ، هذا ليه لمن تكون ورع و اصغر من 18 تكون التكلفة اكبر، اما اذا كنت بين 19 و 24 فنت تعتبر مراهق و بتجيب لهم المشاكل و بتغثهم و ما يدريك تصادق بناتهم.
اما اذا كنت فوق 24 فالمفروض انك عاقل ولا انت غاثهم ( طبعاً هم ما يعرفون السعوديين ولا كان رفعو العمر الي 50).
و بالمناسبة ماهو كل المساكن يفرقون في السعر حسب العمر ، الشي هذا يختلف من معهد الي معهد و من سكن الي سكن.
اقتباس:
السؤال الثالث:-هل الشيبان الي بسكن معهم بيعقدوني زي شيباانا(يعني اذا جت الساعه 5الفجر
بيجي شايبهم ويترفص ببطني يقولي قم جعلك ماتقوم ويطفي علي المكيف خخخخخخخ
والا بيفكوني من شرهم ويخلوني لحالي )
وهل استطيع ان اصطحب معي صديقتي بالمعهد لكي نستطيع المذاكرة بغرفتي <<--
|
ما قلت لك انهم مفروض يرفعون العمر بالنسبة للسعوديين الي 50.
طبعاً سكنك مع العائلة يخضعو لشروط عديدة و تختلف من عائلة الي عائلة ، بس انت خلك حبيب معهم و صادق العجوز و امورك كلها تيسر.
اقتباس:
يعني انا اقدر ادخل بفيزة طالب واذا رحت هناك ماروح للمعهد .. يعني مافي مسائلات قانونية ..؟
كذلك وشرايك بفكرة اني اسافر عشان اتعلم لغة من خلال التخاطب مع الناس والاحتكاك بهم ومايحتاج معهد
وكيف طريقتها؟؟
|
التاشيرة السياحية الي كندا تكون في العادة لمدة 6 اشهر و ممكن تدرس في كندا بالتاشيرة هذي بشرط انك ما تتجاوز دراستك المدة هذي.
اما اذا اخذت تاشيرة دراسة و محطت بهم اذا وصلت ، ما عندك مشكلة لانهم ما يدرون عنك ، حتي انك اذا رجعت لم ديرتك بعد ما تنتهي تاشيرتك ماهم دارين عنك لان مافية مرور على الجوازات عند مغادرة كندا.
طبعاً بالاختلاط ممكن انك تتعلم انجليزي ، بس الافضل دايم يكون عن طريق المعاهد لانك ممكن اذا تعلمت انجليزي من الشارع تكون مصاحب هنود او صينيين و تتعلم منهم اللغة بطريقة خاطية.
اقتباس:
السؤال الخامس :-انا ابغى ادرس دبلوم(لأني خلصت تخصصي) ماهي الدبلومات التي يعرضونها؟؟(او دورات مكثفة)
وماهي المعاهد او الجامعات التي تنصحني بها وتخرج دبلوم بكفائة عاليه؟
وكم تكلفة دراسة الدبلوم؟؟
وتراني امووووت في ادارة الاعمال والتجارة
|
في فانكوفير معهد ممتاز اسمة معهد برتش كلومبيا للتكنلوجيا و يعطي دبلومات ممتازة بس تراه صعب ، حتي انت الضاهر ممكن تدرس عندهم انجليزي.
اقتباس:
12 اسبوع=6900
4 اسابيع=5000-6000
8 اسابيع=4320(بعد ماضربت في اثنين)
4 اسابيع=2300
معليش اعذرني اخوي .. بس ماتحس ان حسبتك للسكن فيها لبس
ترا ماحبيت اتصيد اخطاءك لكني حبيت انورك وتنورني)
|
بالنسبة لي (6900) دولار لمدة 12 اسبوع هذي مندون تكاليف المعهد. و السعر من احد المعاهد.
4 اسابيع بمبلغ 5000 الي 6000 دولار ، هذي مع السكن و المبلغ تقريبي فقط.
8 اسابع سكن فقط بدون دراسة ، و هذا سعر احد المعاهد.
4 اسابيع سكن فقط ، و هذا سعر احد المعاهد.
حط في بالك ان سعر السكن يختلف من معهد الي اخر حسب موقع المعهد و السكن التابع له ، و حط في بالك ان السكن انواع ، ممكن تكون بالحالك في الغرفة و ممكن يكون معك احد ، ممكن تكون لك دورة مياة خاصة و ممكن تكون مشتركة ، و ممكن يكون لك تلفزيون خاص او ممكن يكون مشترك مع العائلة.
ارجو انك تكون استفدت من اجاباتي.
و اذا عندك زود استفسارات انا جاهز.
لك اجمل تحية.
|
|
|
|