[حرف وشعر]

المشاركة الأصلية كتبت بواسطة نجم الإبداع

معذور قلبك ياعشير المراميق = والي عشق في الناس ماله طبابه
يسري مع الهاجوس بين البواريق=واهل الهوى يقرون مافي كتابه
مشاعرك من ود والا هوى ذيق=مثل العسل ماحل فيه انسغابه
اسندت لي نصك وبالنص توثيق= مشاعرك لاهل الوله مستجابه
صوتك وصوت الناي فيها زواريق=جتني ومنها القلب بان انطرابه
مثل الذهب كاساتها والاباريق = والقصر من ياقوت واللول بابه
انته متيم والليالي سواريق = واللوز تحت القشر يخفي لبابه
من لحنك استعصت علي المهاريق=واحترت بين اهل المنامه وطابه
رفعتها للقنطره والزقازيق = قالو رفيقك محترف في جوابه
عودت للباحه ولي في شفى فيق=ناسن تعرْف الماطر امن السحابه
وادخلتها في معملي للتحاقيق = حسيت فيها مايغافي شبابه
فيها هوى طاغي وفيها تفاريق=وفيها زئير وحنة اسود غابه
حس المشاعر ماسكن به تلافيق=لكن شفت البحر طاغي عبابه
وارسلت لك ردي ومافيه تنميق=والي بعيد الدار حلو اقترابه

الله الله

ورب الكعبه انك سليت قلبي وخاطري بهذه الفاتنه

واذهبت عني كل مادار في خلدي من هم

يالله ماجمل هكذا سبك

وفيت وكفيت ومافي اجمل مما سويت

تقبل مني كل الود والتقديثر لتفاعلك الغالي

ياغالي