بسم الله والحمد لله والصلاة والسلام على رسول الله
اعضاء زوار منتديات الفطاحلة الأعزاء
السلام عليكم ورحمة الله وبركاته
إليكم هذه المشاركة واتمنى ان تروق لذائقتكم
ولاتحرمونا من ارشادكم وتوجيهاتكم المنتظرة
ياقلبي اقبل واقعي بالحذافير=خلك على ماقيل قلبٌ رياضي
اصبر على الواقع بحلو وتمارير=صبرك على المقسوم شي افتراضي
واسلى مع العالم وقل للمضافير=ماني لسكات المحبين فاضي
عمري..وقضيته بالسهر والمشاوير=حتى لقيت ان اثمر العمر ماضي
ياما سريت دروب قشر ومحافير=ويا ما سهرت الليل وسط الفياضي
اسمر مع القمرا واصبّح مع الطير=لين اثبت الميزان زود انخفاضي
اتعبتني في ما مضى بالمعاذير=توبٌ تزعلني ونوبٌ تراضي
واليوم انا بحدث على الوضع تغيير=يمكن تزين الحال عقب التقاضي
بعطيك علم وبلغه دون تاخير=والا على مبداك دوك اعتراضي
قل للعيون الساهرة تلزم السير=واحذر تعاملها بوضع التغاضي
مافادني كثر النظر للغنادير=اللي صدفناهن بسوق الرياضي
واخر كلامي همسةٌ للجماهير=اللي عليهم اصبح الهم قاضي
روموا الكتاب اللي لفى بالتباشير=تذهب كثير من الهموم الهياضي
وسلامتكم