[حرف وشعر]

المشاركة الأصلية كتبت بواسطة عبدالرحمن العمري

بسم الله وحدهـ

للتوآصل قصيده قديمه جدا ً تتجدد بمصآفحتكم ،


.

يا شعر لا تشره على الي تعنى = من خلقته ما فيه يوم ٍ تهنى
يآتي لها مِنّا و تآتيه مِنّا = دنياه ما ترحم و لا تستوي له
قلبه غدا كنه كما الحق فاضي= لو تقرعَه يسمع صداه المحاضي
بآقداره مسلّم و مؤمن و رآضي= ما يتبع الملحد و لآ ينتمي له
لكن بلآه أكبر من الي تحمّل = صبره قضى مآ عاد فيها تجمّل
فيما يلي إسمع و شوف و تأمل= حوادثٍ جتنآ بشتى الوسيله
أكبر بلآوينا تجي من مريكآ= أم الفساد و لآ لها به شريكآ
قلته و آنآ صادق و مهلاً أريكآ=بعض العلوم الي تهآوَت نزيله
القوّه العظمى و مكر السيآسه = تجمّعت في محزم آهل الخسآسه
كلينتون و بوش و عبند الريآسه= لآ من سقط كلبٍ يجينا بديله
دقّوا لهم في الشرق مسمار من صلب= ثمّ علقوا فيه المهآنه معَ الغلب
لين آصبح الخاين ورآهم كمآ الكلب = و الاّ الوفي لو طآح مآحد يشيله
أول خسآيرنا فلسطين رآحت= سبعين عآم قلوبنآ مَ آستراحت
لآ نظموا قوّه تلآشت و طآحت = يغزونها من وسطهآ ب1000 حيله
لين الشجاع الي يعارض هوآهم=يصبح مع الآيام يتبع رضآهم
عليهم (ا) عليهم معاهم معاهم= يمشي بلا دربٍ مضيع دليله
فتح و حماس اليوم تضرب بعضها= كلٍ له شروطٍ سماجه فرضها
و الثاني بزود الجهاله نقضها=و التسويه ما بينهم مستحيله
نفتح لإسرائيل عدة مدآخل= تآصل بها في مكمن الجذع دآخل
و تشوفهم بالصلح خآرج و دآخل= يا حيف يا عباس وش ذا الفشيله
والشرهه الكبرى على باقي العُرب= كل ٍ عن البلوى سلك مبعد الدرب
في المجلس الآول و الآخير في الحرب= لآ دندن البندق شبيه الحسيله
من بعدهآ صدام زاد البليّه= ضحوا به الكفار عيد الضحيه
ظالم و لكن ما بنا ذيب زيه= حتى الذي جرّب أذاته رثي له
عرق العراق يصبّ ذل و مهانه= في حكم الأمريكان ضايع مكانه
الحكم ذاتي و البلآ في البطانه=و الشعب متنيّل ب60 نيله
الآمن حلم و واقع الحال كابوس=و النهب و السرقه غدت خير نآموس
و لو تكشف لحافك يصادفك جاسوس=و القتل حل ٍ مآ تلآقي مثيله
نسوانهم في كلّ شارع تعرّى = تفتيش و التفتيش ما به مضرّآ
يمكن تخبّي بين الآفخاذ شرّآ= لآبدّ يتأكد من الي تشيله
وآطفالهم ما بين موت و مجآعه= كم طفل ٍ يقطع بسنّ الرضاعه
مآ عاد تعرف وجنته من ذراعه= وآمه بعَد يمكن بجنبه قتيله
والشيعه تطالب بتهجير الآكراد= و السنه توآلي طواغيت الإلحآد
و الضابط يطمّع موآليه الأفرآد=بالنصب الي يوعدَه به عميله
هذا الذي شفته و ممآ حكوا لي= ناس ٍ تتابع كلّ الآحداث حولي
سجن آبو غريب و حديثه يطولي= سجن العذاب و مآ حوى من رذيله
فيه إغتصاب البنت شيّ إعتيادي= خنزير جاي لها و خنزير غادي
و الضابطه حرمه تقول ايه عادي= ملعونة الآصل (ا) تحدّى قبيله
قالوا تشهادها مقاطع بجوال= شيّ ٍ يقال و شيّ مآهوب ينقال
فيه الهوآن آكبر من القيل و القال= مآ ظنتي يخفى عن آهل الفضيله
و آيرآن في درب السوابق بْ تلحَق= من بعد سوريّآ تلآشى و تمحَق
مآ دآم بآطلهم تعلّى على الحَق=لآبدّ لآمريكآ تشبّ الفتيله
هذي فعآيلهم بالإمدآد و الجيش = تمكّنوآ من تحت إلى تحت بشويش
لين آصبحوا في كلّ شبر ٍ لهم ريش=من بعدهآ صبّوا علينا المخيله
إعلآمهم غطى على كلّ الإعلآم= و آعلآمهم رزّت على روس الآعلآم
يا لعنبو من طآح ثمّ أستوى قآم=في حكمهم كلّ العوآصم ذليله
في أزمة السودآن قواتهم جآت= تنشر بيآرقها على كلّ الآزمآت
قوّة سلآم و لآ لها فيه إثبآت=لين آصبحت في كلّ حادث كفيله
صوّر لها الإعلآم صوره تجنن= رآعية خير و فيه قآمت تفنن
و إن الهدف حفظ السلآم و مُقنن= و آهدآفها من بعد ذلك نبيله
صرنآ نحسّ إنآ بلآها و لآ شيّ =كل الدول من دونهآ غيّ في غيّ
هي حلّنا الآول و هي قلبنآ الحيّ = مآ نسمع الاّ رآيها بالثقيله
صدّر لنا الإعلآم عنهآ مشآهد= تروي لنا قصّة سقوط المُجآهد
و العالم الغربي على ذاك شآهد= صفق لها النآتو على كلّ شيله
من بعدهآ جونآ بدقّ المهآرس= تدخلوا حتى بْ كتب المدآرس
مآ ودهم يطلع من العُرب فارس= يشهر فيْ وجيه الفسآد الصقيله
و آغووا شباب اليوم جيل ٍ ورى جيل=بآفلآمهم و آنجس عروض التمآثيل
و النت لو يشكي شكى زود تحميل= و الهاتف الجوال زآد الحصيله
يالله تخسف بالطواغيت منهم= و آجعل لهم عبره عليهم و منهم
و تجلي عن أمتنآ بلآها معَ الهم = و يعوّد الفارس لسيفه و خيله
يآ ربّ تصلحنا و ترفع بنا الدين= و تردنآ للدرب مهدين هآدين
لآ نرخص المله و لآ نقبل الشين=نمشي على نهج الهدى و الفضيله
و ختآمها صلوا على آحمد و آله= عدآد مآ يدله فيَ الآرض دآله
آهل الوفآ و المرجله و الجمآله=و آعدآد مآ هلت مزون المخيله

الاخ العمري

قصيده في قمة الروعه والسبك

فاهلا وسهلا بك عدد حروفك وابداعك

بيننا

اخوك محمد العمران