اقتباس:
المشاركة الأصلية كتبت بواسطة داعي الشوق
هذه القصيدة من واقع تجربة في الحياة
و مثل ما يقولون .. الدنيا تجارب
أكيد مستانس و مرتاح بالك = لا صار خلك بالمودة مصافيك
متركّيٍ فاله على طيب فالك = مبداه سامي و سامياتٍ مباديك
و مع دورة الايام في يوم حالك = لا جاء نهارٍ فيه لبس و شرابيك
أنت الضحيه يوم محدٍ بدالك = طالك غثاه و بالملامه يجازيك
ولامن نشدت وقلت له وش جرا لك = تلقى دوافعها عوامل و تشكيك
يوم التصافي ذاب لحظة سؤالك = يالعنبو حظك معه يوم يرميك
طرقت من شانه جميع المسالك = كله على شان الغلا يوم يغليك
اللي منول دايمٍ من مجالك = اليوم صار الوقت و ياه يشقيك
إن كان يالمذكور شيٍ طرا لك = ترا الردي فالعسر ماهوب يشفيك
قد قاله اللي شاف قبلك مهالك = أكبر عدو من بلغك هرجةٍ فيك
|
داعي انا وين كنت عن هذي الدره
ماشغتها الا الحين
قصيده في جمال الابداع وابداع
الجمال
من شاعر لايكتب الا الجمال
والابداع
سعود تقبل مني وافر الاعجاب