عبدالله القحطاني
سلام الله عليكم ..عدد وبل السحابي
--------------- وعدد ما يبرق البرق في جوف المخيله
تعال اقول لك علم يا مهدي الحبابي
---------------- رفيق(ن) في المواجيب ما نبغى بديله
مهدي الحبابي
ولا يا مرحبا عـدة احروف الكـتابي
.............. وعـدد ما يـفعـل الطـيـب يا راعـى الجميـله
انا تـوك واحيـيـك مـا سجـل غيابي
.............. رفيـق(ن) فالمـواجـيـب ما نـلـقاء مـثـيـله
عبدالله القحطاني
الا يا صاحبي زان مردود الجوابي
--------------------- و الدم الاحمر اليوم من نفس الفصيله
الساحه الوسيعه يزيد ابها الخرابي
--------------------- على كثر الاصايل تضيع ابها الاصيله
مهدي الحبابي
يشرفني وجودك هنا بين الذيابي
................ وفصيـلـة دمـنا عـز والـفـخـر الـقـبـيـلـه
اشوف انك من الساحة صايبك اغترابي
................ لاصـايل والـرمـك كــوم وتـفـوز الكـحيـله
عبدالله القحطاني
على الرمضا الطويله معي زاد وشرابي
-------------------- واللي على رصيف البحر يضمى صميله
جمعناها من الكيف في رقم الحسابي
-------------------- خـطة طريقـي والدرب يبغـى لـه دلـيله
مهدي الحبابي
وفـي وافـي وسـوق يا خـوك الـركابي
..................... وتـاصـل بأمـر ربـك إلى راس الـطـويــلـه
يفوز اللـي لمـا كثـر مـالـه ما يرابـي
.................. وانا جـنبـك وبأفـزع مـعـك في ايـة وسيـله
عبدالله القحطاني
الـوقفه العزيزه على راس الرقابي
--------------------- واليـا اتضح هدفنا رمينا بالفتيله
رصيدي و المصاريف في عز الشبابي
--------------------- روينا من عدوده وذقنا سلسبيله
مهدي الحبابي
انا ما غـرني ما كـتب وسط الخطابي
............... وهـدفـك اسماء من اهداف من يزعل زميله
كفو يا عزوة(ن) فالمواقف ما تهابي
............. وحن درع(ن) لـما جاء نهار(ن) بـه مهـيـلـه