واركض على بيتك ولو عاقك العوق
ودور لبطنـك مـا يسـده ويـرثـم
بطنك صميلٍ دايـم الـدوم مشقـوق
مهما مليته بعـد ساعـات يهضـم
فلا تطاوعه لو صاح اوقال مخنـوق
خنقه ولا يـومٍ علـى الفعـل تنـدم
فالجوع فيه العافيـه لكـل مخلـوق
ومن زاد وزنه يشعـر بكـل مؤلـم
قلب وركب والظهر يشكي من طقوق
وحتـى سلاحـه كـل حيـن يتثلـم
وحذراك من تقسيط في ربحه البوق
تدور بـوش ولا قضـى لـو تألـم
كلٍ يبي مصّك ولـو جـاك بالـذوق
لا تعطي الفرصه لمـن كـان يبحـم
لْحافك تمده قد رجليـك مـن فـوق
وحب المظاهر سقم في كـل معلـم
اقنع برزقك ماانت ياصـاح ملحـوق
ودبر امورك كـود هالوقـت تسلـم
ولا جاك ضيف تالي الليل مصفـوق
اذبـح لـه البـرّاد ليبتـون مختّـم
بوجه ضحوك وهرجةٍ كلها صـدوق
ولا من بغى يمرح ترى المسجد ارحم
القرش درعك ينتج الطاق مطبـوق
لامن حفظته في سجـن دوم اظلـم
ولاجتك فرصه تشتري بعير او نوق
ولا اريضـه كـان بالسـوق تفهـم
تبني بها دكيكين في دخلـه الشـوق
اوليد مصلح مـا يبـي لـه معلّـم
صح لسانك
ولاهنت