السلام عليكم / ههههههه ، لا تفكر ولا تحتار مع المستشار بن عمار ،الحديث في هالموضوع ، ذو شجون !!! اذا فيه سفرة ذيك الساعة يكون خير ، على اني اشوف ان الخد فراش النبي ، وبعدين ماباقي الا تقول يشغل الغسالة الله لا يهينه و يدهر ، ههههههه وماودها بعد يلبس مريله مثل البنقالي ويقابل الفرن طول النهار طبخ ونفخ والله !!! ههههههه لا و يسوي لها تسريحة اماساره سبينسر والا الليدي ديانا والا قولوا دوقة ادنبره و مونيكير و بوديكير وتدريم وما جر غصنه ههههههه هذي طبعا مصطلحات يسمونها الثقافة الحرمنجية في المعاناة الزوجية و قرأت مرة مقال في مجلة / الله الله جعلك امر الله للدكتورة / مس سميث عن تداعيات الفحص الإكلينيك لمنغصات الزوجة عليك ، وكانت تندد بشدة فيما لو كان شعر الزوجة كشه والرجل ما عرف يكدة !!! وتنصح في حالات التأزم اذا صار مره عرادة انه يموطه سينه في يديه ويرتاح من كشرتها ، وتقول بأن معاناة الزوجة تكمن في هالعوسجة اللي على راسها وحسب افادة الزوج بأنها تلبس لهاطاقة شيله و يالله ، وأشاد الدكتور / جيم بوب بطريقة الذي كانت بشرة زوجته سمرا خفييييفة قل مثل الفحمة ، يقول في ذمتي ماشفت عيونها لين تكحلت بطباشير ، هههههههه ويحلف انه ما يعرف وجهها من قفاها الا اذاضحكت ،انتهى وعاد هالمواصفات المذكورة اعلاه كانت موجودة على وقت مويضي البرازيه تقول / ماهوب يجهلني رجال الشجاعة = ودي بهم مير المناعير صلفين / شفي بمندس بوسط الجماعة = يرعى بهمهم و الغنم والبعارين / الى نزرته طار قلبه رعاعه = يقول ياهافي الحشا ويش تبغين / ولو اضربه مشتدة في كراعه = لاهوب شاكيني ولا الناس دارين / نهايته هذا كله مجرد احلام ،الله يرحم مزنه ماتت وهي تحش !!! يقول الشاعر/وش حالتي حتى من الحلم محروم !!! واحلام سعيدة ، تحياتي وتقديري