انا مالي شغل
الصورة واحضرتها امرأه
وانا علقت عليها بما يتناسب مع ما ورد فيها
ولا يعكس وجهة نظري
الإنتحار انواع في هذا الزمان= ومن بغى يفطس يدور له مره
يبتدي المشوار في سعد وامان= وفي النهايه هي ترى من يقبره
في شبابه شايفٍ نفسه حصان= ولا ابتدى السكر رجع مثل بقره
وبعدها بالضغط واقف له عران= ولو تبيعه مايساوي لبعره
خلك عزوبي ولا ترضى الهوان= فالحريم اليوم للشر شجره
ودام في المسيار موجود الضمان= طرب لنفسك فعمرك ما اقصره
تنتقي ما تريد ورد واقحوان= ولا انت ملزوم ببنت ومبزره
وش لك بحرمه تجيب لك الجنان= وبعد موتك ما رجت لك مغفره
تارثك بالغصب لو طقم السنان= وتدور لغيرك تويسٍ بظهره
فالمره لو هي عطت بعض الحنان= لا انجبت شافتك مثل المحفره
همها بعيالها لين القران = ولا نسوها جتك مثل القنبره
ولو عجوز سمها هرج اللسان= يعني ما ترتاح دنيا وآخره
لاتزوج طوع شوري بامتنان= وانظر الصوره تشوف المجزره
شوف حالة من تزوج للحسان = واعتبر منها بعقلٍ ما اكبره