علّمـوك تغيب
علّـمـوك .. تغـيب .. تتـغلى علي=وانت تدري في غيـابك .. وش يصـير
أختـنق ضيـقه .. وصدري يمتـلي=بالهمـوم اللي .. صغـيّرها كبـير
علّمـوك .. وعـاذرك قلبـك خلي=أنت في فيـّه .. وانـا شمس وهجـير
الغـلا لك .. والسهـر والشوق لي=والهـوى ظـالم .. ولا عنده ضمـير
ان بغـيت علـومي .. فاسمـع مايلي=لا تقـاطع .. واسمع اسمـع للأخـير
في غيـابك .. قامـت الدنيـا علي=كنّـها امريكـا .. وانـا كنّي أسـير
والشعـر من غبْت .. شغـلي وعْمـلي =ساهره عيـني .. ولك طـرف ٍ قـرير
جيت بجـلي همّـي .. عيّـا ينجـلي=الجفـا لعنـه .. وشـر ٍ .. مستطـير
والفرح غـايب .. وعايـش معْ هلي=لكن ان شفتـك .. من الفرحه أطـير
يا أمـل عـمـري .. ويا مستـقبلي=لا تشـمّت فيـني .. حسّـاد ٍ كثـير
علّـمـوك .. تغـيب .. تتـغلى علي=وانت تدري في غيـابك .. وش يصـير