[علي الحامد]

المشاركة الأصلية كتبت بواسطة الطائر المهاجر

صار الزحام اليوم اكبر مصيبه= من وين ما تمشي تنكّد من السيل
كلٍ معه موتر ولو خلي جيبه = وانا معي دتسن ولا عاد بي حيل
امشي على هوني بحالٍ صعيبه= قدام من يسرع ولا هاب دربيل
شباب واجنابٍ تسابق بريبه= مع كشخة السيارات والكل تظليل
وإلا تريله ما وراها تجيبه = وقلاّب طاير في يدين المهابيل
ارجع الى داري ونفسي كئيبه= واقول يكفي ما اشوفه من الميل
لاصرت عاقل في الرياض الحبيبه= تحتاج دبابه لكل المواصيل
والشاطر اللي يقربك في خضيبه= فيها دواء للي بوضع المساطيل
ولا غرقت العالم بهمله وسيبه= تمشي تندح ماتهاب المداخيل
بانفاق تغرق من سلكها بطيبه= ما يدري ان الموت فيها مع السيل
ولا بحث موضوع الغرق من قريبه= كلٍ طلع منها بشتى التعاليل
لو هو بيدي لاعطي الشرع هيبه= نفسٍ بنفس بدون ادنات تأجيل
هذي امانه من حملها نثيبه = ومنهو هملها واجبٍ فيه تنكيل

دكتورنا العزيز

صح لسانك ملايين

سلطت الضوء على واقع معاش وخاصة بالر ياض

ولكن التريله والقلاب على الله ثم عليهن أرزاق ناس

والباقي انا معك بكل ماقلته

مرور بسيط مع فائق الإحترام والتقدير

دمت بكل الخير