هلا بالغالين من بعد غيبه
عن قلوبكم
ومعانقتها
اضع هذه المتواضعه
تبحث لى عن شفاعه بين قلوبكم
واذواقكم الراقيه
لتجد لى العذر
على متن القدر تزمى الحمول وتستنيخ كتوف=وينهى مابقى غدر الزمان بضرب مخلابه
واثر هذا الزمن وقفه قدر قد يعتريها ظروف=وترى كل الذنوب اللى تبين بجوهر كتابه
ياحرفى ليش تتعبنى تنادى قلبى المكلوف=ماعاد اقدر على قلبى ايلامنه بدى عتابه
تبى تشرح لى الموقف ونا من موقفك مشغوف=معاد الشوق يغرينى خلاص الغيت انا بابه
خلاص ارجوك لا تشرح كفايه ماتفيد حلوف =نصحتك بس ماتسمع وقلبى لا تلهابه
عزمت امرى برغم الجرح ينزف بالالم والخوف=وقلت ابابتعد احسن ولا اشواق كذابه
معاد الهمس يغرينى ولا اجى واله وملهوف=ياحرفى ليش ما تركد تشوف احوالى مرتابه
ترى همك وهم الناس وهمى لا بدى بالجوف= اكيد هموم مختلفه تجى بوجيه تتشابه
تعب صبرى من اوراقى يقول اللى بها معروف=خلاص ارجوك لا تكتب مشاعر مالها جابه
ترى اللى يلهم الشاعر صدى جرح ووهم وحسوف= ترى اللى يتعبه فيها منابع حزن و مصابه
تحسبت ابتعد عن حال ناس كل ابوها زيوف=لقيت ان الوفا يذبح ولاحدن يعرف اسبابه
ياشعرى جاملك وافى بكل الشوق وانت تشوف=ولا مره سمح شخصك يجامل من تحفابه
تعبت اهدى ورود العشق وقلبى يسترد سيوف=من اللى يحسب الورده جزاها سلب ونهابه
من اول والمشاعرلا حضر شخصك تظل وقوف=تهيب بهيبتك لجل الحروف تكون جذابه
ولكن للاسف زادت طعونى ماشفتنى حروف=تساوى عندى المعنى بحد السيف ونصابه
وعلى متن الزمن تزمى الحمول وتستنيخ كتوف=وينهى مابقى غدر الزمان بضرب مخلابه