[الفنان فهد]

السلام عليكم وتحياتي لكم ......
اقدم لكم عمل من اللحاني ومن كلمات الشاعر سعود
سعد العتيبي ( داعي الشوق ) على مقام الصبا ...
والشكر والتقدير موصول لاخوي سعود ....


مــــــــــــــــــوالـــ
يا لله عسى شمس اللقاء تشرق شراق
و انسى ظروف ايامهـا و الليالـي

أبطيت عني يا هوى قلـب مشتـاق
أشغلتني و اشغلـت حالـي و بالـي
عيني على شوفتك من حر الاشـواق
عافت لذيذ النـوم يـا بعْـد حالـي



متضايقٍ و الصدر بالضيـق دقّـاق
تخنقنـي العبـرات ممـا جـرالـي
ما عاد لي قدره على البعد و فـراق
من عقبكم كني مـن العقـل خالـي




متعكـرٍ جـوي ولا يـوم لـي راق
احكي على روحي و جالس لحالـي
القلب من حبك ترا صابـه حـراق
و الجوف به نيران تصـلاه صالـي



عزاه يا حـال المولـع ليـا ضـاق
ما عـاد بـه للصبـر اي احتمالـي
يثـور لا زاد الولـع قلـب تـواق
دايم حياته في رجـا حـب غالـي


يا لله عسى شمس اللقاء تشرق شراق
و انسى ظروف ايامهـا و الليالـي