[حوريه]

أكتبي حرفك على طـرقٍ تبينـه=ينتشي لك حرف معشوقك طـرب
أفصحي له عن مشاعرك الدفينـة=لاعجب ان شاف في حرفك عجب
أشهد ان قلبه غدا عنـدك رهينـة=يارفيق الحرف حرفك من ذهـب
يارفيق الحرف يالـدرة الثمينـة=لاترد بصد فـي وجـه المحـب
أبتسم له لاكسـا الليـل السكينـة=مايسًـره تالـي الليـل العـتـب
رش هتًانك علـى جـو المدينـة=لاسكن في تالي الليـل الصخـب
والله أنك لوعرفتـي فـي حنينـه=ماتعجبتـي بحـرفٍ لـك كتـب
يدفعـه شوقـه لحـرفٍ تكتبينـه=كنـه ايجـره علـى نـار اللهب
وانك أنتي من غلاتك نون عينـه=وانه اللي ضف جرحه محتسـب
ضف جرحه عنك خايف تنكرينه=ولاُ قلبه مـن غلاكـم منعطـب

يدفعه شوقـه لحـرفٍ تكتبينـه
الشاعر حمود00

صح قلبك على هالرائعه المعبره

كل ما جيت اقتبس بيت سحبني البيت اللي بعده

يسلم الحرف وراعيه

دمت بكل خير

..