[الخنساء]

المشاركة الأصلية كتبت بواسطة الطائر المهاجر

ياطيّب القلب شوف الطيب وش فادك = في وقت فيه العرب ماهم على خبرك
ان لم تكن صقر جاك الداب يصطادك = فخلك حذر منه لايقرب إلى وكرك
البعض لا من هرج ذكرك باجدادك = يوحي لك انه رجل ومطابق لفكرك
ولا من سبرته برادارك وارصادك = تلقاه نفسه خبيثه ناوي لغدرك
حتى ولو تكرمه يجزاك باجحادك = يشوف طيبتك ضعف ويبتدي هصرك
يقهره لا شاف منهو يكسب ودادك= وهو ولا هوب قادر ياصل لقدرك
ياجاهل بالرجوله راجع اعدادك = منتاب قد لها لو قلتها بشعرك
ماهي بدينٍ تخبي خلفه مرادك= وتنسى لربٍ عليم بسرك وجهرك
ولاهي كلامٍ تبيعه وانت بابرادك = المرجله فعل في مدك وفي جزرك
ومادام هذا طريقك للردى قادك = ما ينتحسف عليك ولا نبي ذكرك

صح لسانك مليون ولايكفون

قصيدة جزلة من شاعر متمكن

سلمت ودام حرفك