اقتباس:
المشاركة الأصلية كتبت بواسطة بائع الورد
بسم الله الرحمن الرحيم
السلام عليكم ورحمة الله وبركاته
الميجنا هو نوع من أنواع الشعر والطرب الشامي القديم
فأحببت أن أصوغ بعضا من حروفي على هذا البحر الجميل
وأرجوا أن تنال متواضعتي على بعض رضاكم:
ميجنا وياميجنا وياميجنا = يا هلا بالزين نور دارنا
يا حبيب الروح يا كلك حلا = جيتنا تضحك وتحي حبنا
لو طلبت العين يا لون الذهب = تاخذ الثنتين ماابيهم أنا
مو على كيفي أحبك يا هوى = بالغصب حبك يناوش بالنا
يا هلي حبيت قمره جارحة = رمشها يجرح رقيق ازهارنا
عاشقٍ ولهان مقدر فرقته = وان لفى غنيت شعر الميجنا
عاطر الليلة حضورك يا عسل = ياسمين الشام حول صوبنا
ليت عيني ما تنام و ما ترف = والسهر محلاه بين احبابنا
أعذرك يا ورد لو ترحل لها = من يلومك لو هجرت سياجنا ؟
يا صبى عين الغزاله جارحة = قبل ما ننوي نصيده صادنا
ميجنا وياميجنا وياميجنا=يا هلا بالزين نور دارنا
وسلامتكم جميعا
|
صح قلبك وطلبك اجاك لا هنت
ميجنا وياميجنا وياميجنـا=رحب سالم يا حبيبي موطنا
في رقاد النوم عيني رفرفت=هام قلبي في دروبك محننا
يوم جيتن مع ليالي طيفكم =ثارت الالحان في راسي انا
أيه احبك واشعل اشموعي غلا=مثل نجم الليل ليلة شوقنا
مع طرب حبي وحبك للهوى=يرسل المفتاح سهمن قلبنا
يا سعد لحظات سنك بالغروب=شافَّتَن نبضات روح الميجنا
لحن شامي من طواريق الدروب=زادت الأفراح والقلب هنا
يا رحيب العين بهماس الكلام =يا رفيف الهدب يا زين الغنا
جبتنا بحروف ورد ٍ ذا عطور=شاقت الانفاس تحكم ريحنا
يا جلال الحب والكيف شروح =من بواطين المخافي والمنا
كفكفت كفين كفك كيفكم=هات منسوب الحراره اقياسنا
رقة الاحلام جوّي لا هبن =من بعد شوف الشقار والعنا
يطرق العنوا ن شاري ريشتُنْ=رسم فنان العذاري في جنا
جنة الاحسان والطيب الهبوب =لا دباج الرمش طوق ٍ حولنا
والغلا يرسل بكيت ٍ من ورود =بايع الورد الحبيب اغمارنا
ميجنا وياميجنا وياميجنـا =حلوة الاوصاف جابت حلوّنا
نشرب الشربات في لحن الخلود = والصلاة اليا نبينا احبابنا