[جلال ابراهيم الصبيح]

بسم الله الرحمن الرحيم

السلام عليكم ورحمة الله وبركاته

بائع:=
هلا باللي سبانا بزونه = فلاح الزين وينك يا صحيبي
نجم:=
هلا بالورد والي يعرضونه=الا من قلت لك هاته فجيبي
علامك ياجلال ولا مهونه=كسرت البيت يالضب النجيبي
بائع:=
تراني يا فلاح الزين نونه = وبيتي يا فلاح الزين خيبي
نجم:=
ترى الواحد ليا كثرت ضنونه=يضيع للبعيد وللقريبي
بائع:=
بعيدٍ عنك يا خي لا تخونه = وانا حالي ترى زينٍ صبيبي
واذا قلبي نساك العن عنونه = ولا تزعل على قلبي حبيبي
نجم:=
فركز يافتى شايل شنونه=واغنم فرصتك قبل المشيبي
ظهور القول تخلف عن بطونه=عليك الله ياجلو حسيبي
بائع:=
نجيبٍ صاب قلبي في شجونه = وانا دوبي على فرقاه ذيبي
نجم:=
ترى حب الغيادى فيه بونه=فلا تطرد سراب وتنتخي بي
بائع:=
أخاف البعد لا ينسى مزونه = وقلبي ماله على فرقا حبيبي
نجم:=
يجيك العود مستحصي بشونه=ولامنه وصل رح للكاريبي