[سناعيس]

المشاركة الأصلية كتبت بواسطة أبوأنس

أعيش الحب إي والله أعيشه لو خيال وظن=أعيشه بس لي عقلن عن الزله يقديني
إلى من الظلام بصيغته غطّى الوجود وجن= تناوشني هموم(ن) كلها بالحيل تشقيني
أنا جي نجمي الساهر واغني له بفن وفن=واحس انه ولو ما جاوب لصوتي يحاكيني
يقول اني سمير العاشق المغرم ولا تحزن=تنهّت وانثر الدمعه ببوح الحب ناجيني
وانا اشكي هم صاحبني بقلبي حط واستوطن=عذابه حيل متعبني ومطربني وكاويني
دلال الجادل الرعبوب من زود الحلا يفتن= سحر ماهو عمل كاهن ولا نزغة شياطيني
ملاك(ن) فيه مع ملحه خفيف الدم الى غنغن=توقّف دونه الألحان نغم بالرقص يغريني
غزال(ن) كامل مكمّل كريم الأصل والمعدن=زهى وصفه وانا اظن اللغه به ما توفّيني
اشوفه زين بعيوني وقلبي له ابد ممتن=واقول لعاذلي ليتك تشوفه بس من عيني

أبو أنس

صح لسانك
هي بالتأكيد درة من دررك
وبها من الجزالة وقوة المعنى مايغنيها عن رأيي فيها
لله درك من شاعر يتهادى له القصيد طائعا ومنحنيا

تحياتي