[نجم الإبداع]

بلغو الي ضاق من نصحي وساق جلوقه=لايغالط وقت بانت فيه كثر الفرقا
ونّعم بك والقبائل بالولاء موثوقه=مير ماهو وقتها ياصاح وشبك تهقا
العلوم سهود واموال البلد مسروقه = ماسرقها الا دخيل وصار فينا يرقا
انت ياصاحب زعلت وفكرتك مطروقه =مشكله ماحلها قبلك كلام وصفقا
لاتجي المسكين تمسك ياخوي بحلوقه=كان خير يكون قلبك للمسالم شفقا
ماغلطنا بين درب اهل الحساء ومعشوقه=مير في وقت الفتن ماودنا بك تشقا
خلها ياصاحبي بنفوسنا مزنوقه =لاتخرجها على السطح الذي به عنقا
وش يهم الي عفا او لحيته محلوقه = والمحاجي ماتبي ياصاح غير السبقا
اتبع اهل الشور واترك صاحب المخروقه=والولا لله وغيره في قليبه فرقا
لن غلط صاحبك وارسل ليه تنكر ذوقه=وانت صاحب عقل راجح مايجيه الزرقا
الحقيقه واضحه والمعرفه مسحوقه=والمصايب فوق روس العالمين تبنقا
انت شاعر ثار باروده وجات فروقه =يشنق الي لانوى له بالمعاني شنقا
والسماء يوم امطرت والسد جات فتوقه=غرّق الساحل ويطرق فوق راسي طرقا