[جلال ابراهيم الصبيح]

المشاركة الأصلية كتبت بواسطة عبدالله راشد الثويني

السلام عليكم ورحمة الله وبركاته

متواضعه لعلها تروق لكم

معذور تنسى ، ماتجيك المـلامـه=لـكن تأكد ، عاشقك صعب ينساك
طيفك يزوه لا غفا ، في منامـه=في ناظره ماهـان بعدك ، وفرقاك
تبقى الحبيب ، اللي تعلـّـى مقامـه=ياروح [ عبدالله ] ترى العمر يفداك
قلبي بعد فرقاك يعلن صيامه=ينقض .. صيامه يامـُنى الروح طرياك
مابين نظره شارده ، وإبتسامه=كلـّي أمل ، يصفيّ لي الوقت والقاك
يفرح بك اللي قاسي الوقت ضـامه=مامرّ يوم وخافقه ، ماتحرّاك
يتخيـّلك وإنته ، تشيـل اللثامـه=ويقول جلّ اللي من الحسن سوّاك
كنـّـك قمر خمسة عشر في تمامـه=يتوُه من حاول يعدد .. مزاياك
تبقين .. عنوان الغنج .. والوسامـه=مغليك [ نور العين والقلب ] سمـّاك
ماغيرك من الناس شـد إهتمامـه=لا والذي سوّاك . لا ذا . ولا ذاك
لو شفتني ساكت . واكف الملامه=العلم واضح .. ماتوقعت .. يخفاك
نظرات راع الحب .. تشرح كلامه=ساكت .. وقلبه . صعب ينبض .. بليـّاك

صح لسانك واعتلى شانك جميلة جدا....لاهنت...دمت بخير.


بائع الورد