[ضاامية الود]

المشاركة الأصلية كتبت بواسطة نجم الإبداع

جتنا الكوارث من خبث حل بالدار=والظاهر ان اليوم ميعاد جده
بحيرةالمسك العظيمه بها انذار=والناس من حي الصفاء جت لحده
السيل سال وقدمه السد منهار = والناس بالوادي بنو قبل مده
مخططات الموت قامت بالاخطار=لاجل الفلوس التاجر احتل هده
باعو الذمم واختالو الناس الاشرار=ضحو بروس الخلق لاجل المكده
والناس ماخافومن اثار الاعصار=كلن خذا له تحت راسه مخده
من يامن المكر الالهي بالانكار = يكفر فمكرالله ماحدن يرده
اروى الجبال اليوم واجرّن الانهار=شال البيوت السيل والسهل قده
اثار من سيل العرم مقتفي الفار=والسيل عجزّ السد من جور صده
اهمال مسئولين والخير مدرار =بان الصحيح وبان بالبحر مده
ملو الكروش ومالهم بيننا انصار = والي حصل شاهد على كل سده
تجمعو للنهب من كل الامصار=والزور بان اليوم صاعه ومده
لاشك بين الناس يشقون الاخيار=في وقت متغير على الناس وده
اطلبك يارب السماء تحفظ الدار = واحفظ بلدنا من فتن جت تلده
يالله ترحم كل من مات يابار = وارفق بخلقك واحفظ الي بجده

نجم الابداع

صح لسانك وقلبك وفكرك

علي الشامخه لاهنت

تحياتي وتقديري