[عمر ال شيبي]

المشاركة الأصلية كتبت بواسطة الطائر المهاجر

يشوف البعض في طيبي سذاجه = يحسبه لاختل ما نيب داري
فثوب الفهلوه لو زاد طوله = قصير ولا ستر جسمٍ لعاري
اعرف الرجل لا لف بكلامه = وامدّ له الحبل واضحك واداري
لعله ينتبه يعْدل مساره = ويترك عنه لعبه في الذراري
احب العب على المكشوف دايم= واحب الرجل واضح كالنهاري
ولو اظهر عداوه زاد هيبه = بعيني وارفعه فوق المداري
ولا نذلٍ جبانٍ دوم ماكر = يغيضه ما كسبته من وقاري
ليثأر في الخفاء لاجته فرصه = برمح الغير طعناته غداري
ولا يدري بأني عارفٍ به = ولو اضحك معه ماخذ حذاري
فكم من ثعلبٍ بالطعم صدته = ووسمته فوق خدّه باحتقاري
ولو استر عليه بكل خله = اذا جاوز حدوده ذاق ناري
يجيه السيل مايدري مسيله = وينخش ساس بيته والجداري
يعرفه كل من يخفاه علمه = ويصير اضحوكةٍ بين العذاري
فمن لايحترم نفسه خساره= يجد منك احترامٍ وافتخاري
ومن ظنه ذكيٍ في ختاله = وغيره في الذكاء ماهوب ضاري
فهو اغبى عباد الله احمق = فكلٍ فيه حقه لو يداري

صح لسانك استاذي كيبورديه لعيونك

عشت ولا عاش الردي يمسك

ماْ عاش الذيب

ماْ عاش الذيب يغنم من غنايم =ماْ دام الكيف بعيونك سهاري
رحيب البال من صفك شطاره = رعيب الخال من يمك حذاري
لكان القاف مرسول ٍ بحيله =الين انك رعيته في مداري
وشوف اني اداري مال داره = فصيح القول معجوب ٍ يزاري
الين الرد مو سهل الوتيره = لكان العين مرقوب البصاري
الين انك عريفٌ من معارف =لشد الذوق ما يحتل طاري
لكنت الطير وهجارك فتني = لجيب ارجال واجلس لي خياري
وذوق الهيل من صحبك لفني = وقول القول ميسور الحباري
ما فاد الليل يا نهر الغمارا = لجاك اصحيب ما همه المضاري
نعيش اليوم في رحبك هلا بك = رحاب الظيف ما منه زفاري
الين اني لطيبك ما نِعفي = ارد البيت وارحب في جداري
ياْسعد الناس في هال ٍ تمدد = خلاة الصيد مرغوب الجماري
يا سعد السعد بوصولك فخارا = بنات الريح للجود تغاري
لكنت الطير لامهاجر ديارك = عساك اتعود لديار الاحراري