[الخنساء]

المشاركة الأصلية كتبت بواسطة حسن الشريفي

رسالة ..
إلى من يشك فيني ..
وأنا موقن تمام اليقين ..
بأنني لا أحب سواه ..

.. كثير الشك ..

يا كثيـــر الشّـــــكّ .. انـا ما قلـت لك
ريّح ظنــونك .. تـرى مالك خشــــير

ليـه تشـكيـكـك .. وانا اللي بعـت لك
قلب شاعر .. أصغـر همــومه كبـــير

وقـتي الفـايت .. وهــذا الوقـت لك
وانت لـين الحــين في شكّــك تحـــير

غـــيْرتـكْ .. خـايف أنا .. لا تـقتــــلك
وانت تـوّك .. ياهـوى عـمري صغـير

أنت يا شـكّـــاك فـيـنــي .. تـمتـــلك
كل احاسيـسي .. وانـا ماني فـقـــير

قصْــر في قلبي .. بنيـتـــه بيـت لك
وش تبي أكــثر .. وتستــاهـل كثـــير

لو على كيــفي الهــدايا .. جـبـت لك
الحسـا .. وطـويـق .. وتهـامة عســير

ولو على كيــفي .. حييْت ومتّ لك
واحْيـا من ثاني .. واحبّـك حبّ غــير

يا بعـد عـمـري .. ترى مـدّيت لك
روح تملكـها .. وانـا عنــدك أســير

عنْـك لا صــدّيت انا .. صـــدّيت لك
وين اطـالع .. وانت لي شـوف ونظير

لو أعـــدّ احبـــابي لك .. عـــدّيت لك
انت الاوّل .. في حيـاتي .. والأخــير

أنت .. عـاجـبنـي .. ولـو ما قلـت لك
وانت بـ/احْساسي وبـ/اشْــواقي جـدير

لو جميـع النـاس جـوني .. رحت لك
وان دعى داعي الهـوى .. جيتـك أطـير

بين اياديـك .. إن حكيت اصغـيت لك
وكنّ كلْمـــاتك على سمعـي مطـير

وكلّـمـا طــــال الحكي .. لدّيت لك
آآآتأمــــل .. كنّي الطـفــل الغـــريـر

كلّـما غـمّـضـت .. اقـول اشـتـقـت لك
وكلّـما فتّـحـت .. اقــول انـك مثـــيـر

وكلّـما .. شكّـيـت فـيـني .. قلـت لك
ريّح ظنــونـك .. ترى مالك خشـــير

صح لسانك مليون ولايكفون

قصيدة جزلة من شاعر جزل

سلمت ودام حرفك