[نجم الإبداع]

سلمت يالي مايجي منه الورب=شاعر اصيل ولا يجي منه السخاب
مير البلا لامر واحد وانطرب = وتفحص الموضوع واسقى كل غاب
ماظن يفهم لحننا غير الثرب = والي يمر مرور مايدري السغاب
انته كتبت الي على قلبي وصب= من فكر متميز ولاجاه الغباب
ماشي على صهوة جوابه بالعشب=بين النخيل الباسقه مشيه رحاب
خيال مايخفى عليه اهل الغبب= من ناظر الموضوع صايبه اغتراب
وجه الحقيقه مايخفيه اللغب = ماضره الدخان يوم الانتحاب
الدوشه الي رونقت لون السخب=ماهيب خياله ولباسة نقاب
الي تعلي صوتها حول الطنب= مثل البسوس الي تولت للخراب
ماهيب تاصل للمقاصد والنعب=مايسعف المجهول يوم الارتعاب
البحر في غبته تيار وحنب = ماكل من غاص البحور امسى نجاب
النهر له قنوات منها ينسكب=مختلفه الوانه وانا عندي قشاب
اميز الكلمه ولو فيها عصب= واعرف زلال الماي واحس الغثاب
الوقت يجري والزمن له مرتقب=لابد ماينكشْف كل الي يغاب
لو سلهمت ليلى وثنت للهدب = ماني لها صيده ولا احب اليهاب
مصير راعي الكذب يعرف بالكذب= والصدق مخرج والحقيقه بالسحاب
وانا لك الله ماسعيت الا صرب= من مما تشوف العين مليت الرواب
هذا كلام الصدق عن قول الجنب=تاه المنجم مثل ماتاه الشباب