السلام عليكم..
اهديكم مشاعري وامل ان تحوز على رضاكم
(على صدق العطا مني انا بالحيل مقهورة)
على بالي تجي ذكرى..صور بالبال محفورة=تعلق به حنين الشوف.. وله شوق يمنيني
حسافة يا مقاديري... كشفت الزيف بشعوره=حسبت النفس مبخوته.. مع احبابي خذلتيني
مرابع حبه بقلبي ..غدت بالياس مهجورة=عواصف عاتيه هبت.. تلوم القلب تشكيني
على صدق العطا مني..انا بالحيل مقهورة=غريبة يا مشاعر غافلة.. وين الخطا فيني؟؟
انا لو ما ذكرت الود.. معي حق ومعذورة=كفايه يا مواجع.. جرح نزاف يعنيني
طويت الهم من يومي ..باعيش العمر مسرورة=وبانهل من ينابيع الهنا.. ود يهنيني
هلا بضيف الغلا.. والحب سطع في خافقي نوره =عقب تعذيبي مع جرحي.. لقيت اللي يسليني
__________________