بسم الله الرحمن الرحيم
كلمات متواضعة أرجوا أن تحوز على رضاكم واستحسانكم
وأرجوا أن تقبلوها كما هي
تطري على بالي امور ٍ تخليه=بين الفكر والهم ضايق ومحتاس
مع الأسف هالوقت زاد الردى فيه=واصبحت انا من ضيقة البال باوجاس
اعيش فيه و مارضيت بمواريه=اشوف فيه البعض كاذب وبلاس
الكل يكتم ما بجوفه ويخفيه=لكن يبوح ان صارله قلب حساس
ارجي من الله خالق الخلق وادعيه=يبعدني عن درب الرذيله و الادناس
بتبع طريق الحق والدين وامشيه=واشيد قصورالمراجل على ساس
حلم ٍ بنفسي غايةإني اسويه=بمشيه لودونه غرابيل وافلاس
احب انا رب ٍ له الكون محصيه=وايضا نبيه احمد ٍ أفضل الناس
عسى الله يهدينا على رضاه نرضيه =ونرضي ولاة الأمر هم عصبة الراس
ابوي وامي قدرهم ما اوفيه=مهما دفعنا من ذهبنا والالماس
واخواني اللي لادعى الوقت داعيه=هم عزوتي لاعكرالجو وانحاس
طويت انا مافات وقته وباطويه=بتبع نبي الحق بالعزم والباس
الوقت لامن راح مايعود ماضيه=ونقص العمر ماتنفعه كثر الاكياس
اكياس امواله لجى الموت ناويه=ماينفعه كتب الحبر فوق قرطاس
مافيه شخص الا ترى الموت حاديه=ولاتقبل التوبات مع شهق الانفاس
يالله عبدك لاتخيب مساعيه=اللي يصلي الليل والناس غطاس
لامن خشع هو صافي الدمع يبكيه=عساه يوم البعث مايشوف الاتعاس
وسلامتكم