السنـه والكـون فيهـا الاعتبـار = وكل كوكب فيها له مجـد ومـدار
وله مسـارات ولـه ليـل ونهـار = والعظيـم بقـدرتـه ادرى بـهـا
منها كوكبنا علـى مـر السنيـن = حول نفسه والشمس لـه دورتيـن
ميـه يـوم دورتـه مـع ميتيـن = *وايضا خمس ايام ضمن احسابها
وايضا عشر ايام مع عشرين يـوم = ومثلهن عشرين مع عشـر لـزوم
عارفينـه بالكواكـب والنـجـوم = وفي مواقعهـا انعـرف ابراجهـا
الوسم خمسين يـوم ومـا يـزود = وفي اثنا عشر اكتوبر يدخل ومعدود
والولي من رحمتـه دايـم يجـود = راحـم عبـده لمنشـى اخيالـهـا
واربعيـن ايامهـا بــرد اكـيـد*= مربعانـيـة الـبـرد الشـديـد
وما اعتلى بالكون له لـون جديـد = والولـي اعلـم بهـا وبشانـهـا
والشبط هـي والعقـارب باعتـدال = مدتـه خمسيـن يـوم بالكـمـال
تختلـف بايامهـا وايضـا الليـال = والحكيـم اعـرف بفـرق ايامهـا
والسماك ايضا ضمن كل الفصـول = ار بعين ايامه تعـرف كـل حـول
والخفي تحت الثرى اصبح يجـول = وكل شـرك حـي شـال اترابهـا
ثم فصل الصيف هو خمسين يـوم = والعرب تخشاه عن لفـح السمـوم
وله اخيال ان رعـد ماهـو يـدوم = ومن عرف منشـاه فهـم اخيالهـا
وعقبـه الكنـه بهـا حـر كثيـر = تسعة ايـام بهـا العـارف خبيـر
يتـوذى مـن الباسـه والمسيـر = وشاهده تذوي خضـار اغصونهـا
ثم فصل انجومها الفصـل الطويـل = سبعه مع سبعين يوم بدون سيـل
لين ضل الشي عن ساسـه يميـل = هـذا اخـر نجمهـا وابروجـهـا
ثم عقبـه واخـره فصـل خفيـف = اربعيـن وتسعـه ايـام الخريـف
هذي ايام السنه مـن دون زيـف = عارفين ادنـاه واقصـى افلاكهـا
والله المعـبـود مـولـج ليلـهـا = في نهـاره فـي كواكـب كونهـا
عـارف فـي قدرتـه منزالـهـا* = اوساعاتهـا وايامهـا واعوامهـا
صح لسانك لا هنت ابد