اقتباس:
المشاركة الأصلية كتبت بواسطة داعي الشوق
يعطيك العافية أخي وتر حساس
و عقبالنا ان شاء الله
تقديري لك
،،،،،،،،،،،،،،،،،
|
اكيد حبيبي انت تحت المجهر ..... اليست هذه من روائعك .
حسبي عليكم عـواذل لا تزيدونـي
حلفت ما اسمع لكم لو طالت ايامـي
لا تكثـرون الجـدل بالله خلـونـي
خلوني أعيش وارسم باقي احلامـي
أحلام حـبٍ بنيتـه عنـد مزيونـي
على الصفاء والوفاء متأسس وسامي
أنتم سبب كل عاشق صار مغبونـي
اصبح ضحية كلام و قـول نمامـي
منكم ترا بالهوى قد شابـت عيونـي
منكم جريح الهوى في جدل وخصامي
درب الهوى يا عواذل درب ماموني
فيه الولايف تسير بـذوق ونظامـي
الكل مغـرم بنـار الحـب مفتونـي
خلان والشـوق ممـدودٍ و مترامـي
ولا يعكـره كـود اللـي يعذلونـي
اللي على اهل الهوى اسلوبهم دامـي
وانا وحبيبي غمرنا الحـب بجنونـي
متبادليـن الغـلا والحـب بهيامـي
والله مـن عذلنـا مـا تستطيعونـي
حبي وحبه وثيـق العهـد والزامـي
عهدٍ مع الزين ما خونه ولا يخونـي
لو كان عشنا الدهر و الحظ ما قامي
قلبي وقلبه ولايـف كـان توحونـي
يا هل الهوى بلّغوا من كـان لوامـي