[الخنساء]

المشاركة الأصلية كتبت بواسطة شجون القصيد

متواضعه ارجو ان ترتقي لذائقتكم

.............................. ...

صحيت من سكرة ايامي على همه = فتحت عيني على واقع وعنّاني
جروحي اللي لها ايام ملتمه = اليوم نبّشتها تنزف بوجداني
فتحت جرحٍ سهرت الليل من غمه = اصبحت والدمع فوق الخد هتاني
عطيتك القلب لاجل دواه وتسمه = وين العدل دام قاضيها هو الجاني
احسبك ورد الغلا اقطفه واشمه = لا ضقت جيتك نسيت اهلي وحيّاني
وظنيتك اللي من الاحباب ابا اهمه = لا من لفيته عن القسوه تلقاني
ولا هل دمعي يناولني طرف كمه = يقول خليه من ذكراك عنواني
وظنيتك اللي ليا ضاقت بي اضمه = واقول ماشيل همي وانت لأعياني
وظنيتك اللي اروح القبر ما اذمه = اثرك همومٍ على همي تبلاني
ومادام ماانت الدوا ولا انتا ولد عمه = بالظلم والشك واقسا جرح تجزاني
ابعد عن الدرب خل الجرح والمه = مااشرب هماج النهر لو مت ظمياني
ودعتك الله وانا عهدي على الذمه = القلب لك يالغلا مايسكنه ثاني

صح لسانك واعتلا شانك
قصيدة جزلة من شاعرة جزل
ترجمت روعة الاحساس
وجمال المعانى وقمة الوفاء
لاهنتى ودام بوحك