[نجم الإبداع]

المشاركة الأصلية كتبت بواسطة الطامي

تل قلبي تل جمسٍ يحدونه خفر = سايقه مطنوخ راسٍ وحمله ضايمه
حدته حجات الانذال واعلومٍ قهر= وقال هاذي مرة وما الليالي بدايمه
والخوي اللي بجنبه على ضيم وصبر = الفقر حده على الشين ماني لايمه
بالثلاثه داعسٍ له مع الدرب الوعر= مايهمه ضربهم له وحتْ!! دعايمه
ذب له مع صفح عرقٍ واوشك بالخطر = واردفه باثنين والروح منه سايمه
هف كنه شاربٍ له نبيذٍ ثم سكر= والجلد قدام عينه تزيد!! عزايمه
يوم وكد بالسلامه وعداه الخطر = وقف يشيك على العفش ويش!! علايمه
شاف بنزينه كما السيل لامنه انحدر= ناشته طلقات رشاش ماجت هايمه
ون من اقصى ضميره وررد وانثبر= والخوي انهار ماتتّبّعه!! قوايمه
والديار قفار مافيه بدو ولا حضر = وكنة الجوزا عليهم سمومٍ قايمه
ونتي مثله اذا راح مسعف وانعثر = وجر وناته من القلب روحه!! هايمه
من هموم وسط قلبي تولع به سعر = تختلف في وردها كنها متزايمه
لابغيت اكنها غليها فيني طفر = وان بغيت اقولها امنعتني الشايمه

صح لسانك يابو محمد

قصيده وافيه من وافي

لاهنت

واسمح لي هيضتني ههههههههههه

نص كنه ثار بركان حولي وانفجر=من صميم الراس والفكر طيب دقايمه
صح قلبك واللسان الذي قطر عطر=ساق صافيها على الناس سوق السايمه
انت شاعر مير ماخذت وجهات النظر=جبتها لك فوق راس المشعل شايمه
ياسلامي للمشاعر وسواق الهمر = الذي يبدع في العلم بدع الحايمه
اشهد انك راس الابداع من دولة قطر=والكرم والجود طبعك وصحه دايمه