[الخنساء]

المشاركة الأصلية كتبت بواسطة الملتاعه

أبسألك من هوله العيد قلّي = أبسألك هل في عيوني فرح عيد
أبسألك وش شفت في زول ظلّي = لاتلتفت في مظهري ناظر بعيد
صحيح مهتمه ولاني من اللّي = يبدو كأنه كامل الفرح وسعيد
ما يفضح صمود الخفا ما يدلّي = نفسٍ تألم حزن وجروح تنهيد
لو يمتلكني و ينخل الحزن كلّي = ما ينثني شموخي ولو جود القيد
مثل النخل واقف وعالي محلّي = ومثل الجبال الشامخات الصواميد
ياصاحبي كل الحكي ما يحلّي = طعم المراره لو على سمعي تزيد
وحيد بالدنيا ولالي مهلّي = غير الجروح وحرف شعرٍ نواضيد
لا العيد عيدي ولا الفرح ليّ مسلّي = لو صارت الايام عيدٍ ورى عيد
يالله عسى فرح الهنا مايملّي =عمرك ويصبح لك على كيف ماتريد
وعساك من عيدٍ لعيدٍ يطلّي = وكل عام وعيدك بالفرح دون تنكيد

شعر / الملتاعة

للتميز والابداع عووووودة
لاهنت ودام حرفك