[الخنساء]

المشاركة الأصلية كتبت بواسطة الطامي

وعِزَاه ياقلب عليلٍ واعرف ادواه = وانا خابرٍ عوقه من اللي تبلاني
نطحني العشيه بالهوينا يجر اخطاه = على مدخلٍ بالسوق كنه يتحداني
لحظني بعينه ناويٍٍ ذبحتي باغراه = وصديت منه واتعزز ولا امداني
الا ياعيون اللي تنهض على مدعاه = كفخ بالجناح وحزة ادعاه جوعاني
حديثه كما شهد العسل صافي مجناه = الا خلط بالغند المصفى لمرضاني
اذا من لاقيت اللي صغير وفي حلياه = مسكته وداعبته من القلب شفقاني
لعل وعسى ويتغايالي وكنه اياه = واذا راح مني نظرة العين تبراني
واروح لمكانٍ قد جمعني انا وايه = وانا خابر جيه يزودّ من احزاني
امره وانا داري بمرّه على مشقاه = اجر الونين ودمعة العين وداني
اضيع بطريقي لاطرالي ثم اتعداه = واعود واضيّع مابغيته وعناني
برا الحال مني واعرف الحال مايخفاه = وسبل المواصل بيينا حبلها واني
انا كيف بانسى والعرب لذكرو طرياه = يفز الخفوق وكنه لي صار دياني
عسى من تصدق واصلح الحال في لقياه = رضى الله سبحانه وجنه ورضواني

صح لسانك واعتلا شانك
قصيدة جزلة من شاعر جزل
سلمت ودام حرفك