[ضاامية الود]

المشاركة الأصلية كتبت بواسطة المشرف العام

ودي تحس بمثل ما بي من الشوق = وتعيش معنى البعد لو هي دقيقه
لو كنت تدري ضامري منك محروق= ما كان تتركني بهمٍ وضيقه
قلبي على فرقاك يشكي من العوق= ويبحر به الهوجاس حزنه رفيقه
ولولاي اعرف انك على القلب ماثوق = ما كنت افكّر فيك بين الخليقه
اشره عليك ولا ابي منّك احقوق= ما غير تفهم للجروح العميقه
وش لون ابسلى عنك يا عزّ مخلوق= وانتَ جعلت الكون أجمل حديقه
البدر نوره من محياك مفروق = والورد يشكي كيف تاخذ رحيقه
فرضت حبك يا اريش العين بالذوق= يجري مع النبضات ماشٍ يعيقه
اخشى عليك بيوم تخرج عن الطوق= وتتتبع سرابٍ يخدعك في بريقه
ارجع لعلّه تنتعش ذاوي عروق= واحس بوجودي بحق وحقيقه

يا جزل حرفك عسا مالك العوق=تعزف على وتار فرحه وضيقه

اطلب ويلي العرش يفيك باشوق=وتحقق احلامك معه بالحقيقه


اخوي وعزيزى ابو عبدالله سيد الحرف


صح لسانك وفكرك على البداع الراقي


ويعجز القلم مايكتب لك من شكر لحروفك الجزله


تحياتي وتقديري لك